ການຢືນ

ກາຍານຸປັສສະນາສະຕິປັດຖານ (ການກຳນົດທ່າຢືນ)

1)  ຫລັກການປະຕິບັດ

   ທິໂຕ ວາ ທິໂຕມະຫີຕິ ປະຊານາຕິ (ຢືນຢູ່ ກໍກຳໜົດຮູ້ວ່າເຮົາກຳລັງຢືນຢູ່)

2)  ວິທີປະຕິບັດ
     -  ຢືນຕົວຕັ້ງກົງ ຄໍຕັ້ງກົງ ມືໄຂວ່ກັນໄວ້ຂ້າງໜ້າຫລືຫລັງກໍໄດ້
     -  ມືນຕາພຽງເຄິ່ງດຽວ ຈ້ອງສາຍຕາໄປທາງໜ້າປະມານ 2-3 ແມັດ
     -  ສະຕິຣະນຶກຮູ້ອາການຢືນຄືຮ່າງກາຍທີ່ຕັ້ງກົງ ພາວະນາວ່າ “ຢືນໜໍ” 3 ຄັ້ງ
     -  ຂະນະທີ່ບໍຣິກັມໃນໃຈວ່າ “ຢືນໜໍ” ຕ້ອງຮູ້ຕົວວ່າຕົນເອງຢືນຢູ່ແທ້ໆ
     -  ຈິດຢືດຕິດກັບຄວາມຮູ້ສຶກເຖິງອາການຕັ້ງກົງຂອງຮ່າງກາຍ ຄວາມຄູ່ກັບ
        ຄຳບໍຣິກັມ

     # ຕ້ອງໃຫ້ມີອົງ 3 ຄື ອາຕາປີ ມີຄວາມພຽນເຜົາກິເລດ (ຕັ້ງໃຈເຮັດ),
        ສະຕິມາ (ມີສະຕິ), ສັມປະຊາໂນ (ມີຄວາມຮູ້ສຶກວ່າຢືນ) ຂະນະທີ່ຢືນ

3)  ສິ່ງທີ່ຄວນລະວັງຂະນະກຳໜົດອາການຢືນ
     -  ບໍ່ຄວນລັບຕາ ຫລືສອດສາຍຕາເພື່ອຫາອາຣົມອື່ນໆ
     -  ບໍ່ຄວນກົ້ມຈົນເກີນໄປ (ເຈັບຫລັງ) ຫລືແຫງນໜ້າເບິ່ງສິ່ງອື່ນ (ບໍ່ສັງລວມ)
     -  ບໍ່ກຳໜົດອາການພອງ-ຍຸບຂອງທ້ອງ (ເພາະກຳນົດອາການຢືນແລ້ວ)
     -  ບໍ່ເພ່ງໃສ່ສັນຖານບັນຍັດສ່ວນໃດສ່ວນໜຶ່ງຂອງຮ່າງກາຍ ໂດຍສະເພາະປາຍຕິດ ຫົວເຂົ່າ ໜ້າທ້ອງທີ່ ສະບື ໜ້າ
        ເອິກ ຫົວ ໜ້າຜາກ.​..​ທີ່ຖືກຕ້ອງກໍຄືຄວນກຳໜົດຮູ້ພຽງແຕ່ອາການຫລືຄວາມຮູ້ສຶກຕົວຂະນະທີ່ຢືນເທົ່ານັ້ນ.
        (ເພີ່ມເຕີມ: ພຣະອາຈາຣຍ ມະຫາໂຊດົກ ທ່ານວ່າຈະກຳໜົດເອົາທັງໝົດຮ່າງກາຍກໍໄດ້)

#  ຮູບແລະຂໍ້ມູນ: ຄັດມາຈາກເວບໄຊຂອງວັດພັທທັນຕະອາສະພາຣາມ ເປັນຕົ້ນຕໍ

Share: