ກ່ຽວກັບບລັອກ

ບັນດາທ່ານທີ່ຮັກແພງ,

ສາລາທັມ ສ້າງຂື້ນເພື່ອເປັນຊ່ອງທາງໃນການເຜີຍແຜ່ທັມມະ ອັນເປັນຄຳສັ່ງສອນຂອງພຣະພຸດທະເຈົ້າ ເຊິ່ງພວກຂ້າພະເຈົ້າໄດ້ຄົ້ນຄວ້າ ຮຽບຮຽງແລະນຳສະເໜີດ້ວຍຄຳສັບສາມັນເທົ່າທີ່ຈະທຳໄດ້ ເພື່ອໃຫ້ບັນດາທ່ານພຸດທະສາສະນິກະຊົນແລະຜູ້ສົນໃຈທົ່ວໄປໄດ້ເຂົ້າໃຈງ່າຍ ຈື່ໄດ້ ແລະ ເກີດສັດທາໃນການຄົ້ນຄວ້າຫລັກທັມຄຳສອນຂອງທ່ານ ແລ້ວສືບຕໍ່ຕາມຫລັກພຣະສັດທັມຄື ປະຣິຍັດ ປະຕິບັດ ແລະ ປະຕິເວດໃນທີ່ສຸດ.

ພ້ອມກັນນີ້ ສາລາທັມຍັງເປັນບ່ອນຮິບໂຮມ ແລະນຳສະເໜີຜົນງານຂອງບັນດານັກຄິດ-ນັກຂຽນຮຸ່ນຕ່າງໆເຊັ່ນ ບົດກາບກອນ, ບົດເລື່ອງສັ້ນ, ປະສົບການຊີວິດ, ສາຣະໜ້າຮູ້ ແລະ ຮູບເຫດການຕ່າງໆ ທີ່ໜ້າສົນໃຈ ເພື່ອໃຫ້ຄວາມຮູ້ ຄວາມສຸກສຳລານ ແລະເພີ່ມພູນອາຫານທາງສະໝອງແກ່ບັນດາທ່ານຜູ້ອ່ານ.

ຫວັງຢ່າງຍິ່ງວ່າ ສາລາທັມຈະເປັນປະໂຫຍດແກ່ທ່ານບໍ່ຫລາຍກໍ່ໜ້ອຍ, ຖ້າຫາກມີຂໍ້ຜິດພາດປະການໃດ ພວກຂ້າພະເຈົ້າກໍຂໍອະໄພມານະໂອກາດນີ້ດ້ວຍ ແລະ ຫວັງວ່າຈະໄດ້ຮັບຄຳຕຳນິຕິຊົມແລະຄຳແນະນຳອັນລ້ຳຄ່າຈາກທ່ານຜູ້ມາຢ້ຽມຊົມໃນໂອກາດຕໍ່ໄປ.

ດ້ວຍຄວາມຮັກແພງ,

18 ມັງກອນ 2020

ພ. ໄຊຍະສຸກ
(ຜູ້ສ້າງບລັອກ)