1) ພຣະວິນັຍປິດົກ (ວິໄນປິດົກ) ວ່າດ້ວຍວິໄນຫລືສິນຂອງພິກຂຸແລະພິກຂຸນີ
2) ພຣະສຸຕຕັນຕະປິດົກ (ສູດຕັນຕະປິດົກ) ວ່າດ້ວຍພຣະທັມມະເທສະນາທົ່ວໄປ
3) ພຣະອະພິທັມປິດົກ (ອະພິທຳປິດົກ) ວ່າດ້ວຍທຳມະລ້ວນໆ ຫລື ຫລັກທຳຂໍ້ສຳຄັນ
ໃນໜັງສື ພຣະໄຕປິດົກ ສິ່ງທີ່ຊາວພຸດຕ້ອງຮູ້, ພຣະອາຈາຣຍ ປ.ອ ປະຍຸຕໂຕ ໄດ້ສະແດງຄວາມສຳຄັນຂອງພຣະໄຕຣປິດົກທີ່ໜ້າສົນໃຈເອົາໄວ້ດັ່ງນີ້:
1) ພຣະໄຕຣປິດົກັບພຣະຣັດຕະນະໄຕຣ
ເປັນທີ່ສະຖິດຂອງພຣະພຸດທະເຈົ້າ (ທຳວິໄນເປັນສາດສະດາແທນພຣະອົງ), ພຣະທັມ (ເຮົາຮູ້ຈັກພຣະທຳ ຄຳສັ່ງສອນຂອງພຣະພຸດທະເຈົ້າຈາກປະໄຕຣປິດົກ) ແລະ ພຣະສົງ (ພຣະໄຕປິດົກເປັນສິ່ງຮອງຮັບຂອງພຣະສົງ ຍ້ອນພຣະສົງນັ້ນເກີດຈາກພຸດທະບັນຍັດໃນພຣະໄຕຣປິດົກ- ພິກຂຸສັງຄະ).
2) ພຣະໄຕຣປິດົກກັບພຸດທະບໍຣິສັດ 4
ເພາະພຣະພຸດທະອົງຕຣັດວ່າພຣະອົງຈະປະຣິນິບພານ ກໍຕໍ່ເມື່ອພຸດທະບໍຣິສັດ 4 ມີຄຸນສົມບັດພ້ອມທີ່ຈະຮັກສາພຣະສາສະໜາໄວ້ໄດ້.
3) ພຣະໄຕປິດົກກັບໄຕຣສິກຂາ
ພຸດທະສາສະໜາທີ່ເປັນແກ່ນສານແທ້ໆ ກໍຄືຜົນທີ່ເກີດເປັນຄວາມດີ ເປັນຄວາມຈະເຣີນກ້າວໜ້າ ຫລື ເປັນການພັດທະນາຂື້ນຂອງໄຕຣສິກຂາໃນຊີວິດຂອງເຮົາ. ການລະກິເລດ ຫລື ອະກຸສົນມູນ 3 ຢ່າງ ໂລພະ ໂທສະ ໂມຫະ ຕ້ອງການອາໄສການປະຕິບັດຕາມ ສິນ ສະມາທິ ປັນຍາ. ໃນພຣະໄຕຣປິດົກ ພຣະວິໄນ ກໍຄືສິນ, ພຣະສູດກໍຄືສະມາທິ (ໃນຄວາມເປັນຈິງມີທັງສິນ ສະມາທິ ແລະປັນຍາ ແຕ່ທ່ານມຸ່ງເອົາສະມາທິເພາະເປັນການພັດທະນາຈິດໃຈ) ແລະ ພຣະອະພິທັມ ກໍຄືປັນຍາ.
ພຣະໄຕຣປິດົກສະບັບພາສາລາວສ້າງຂື້ນໃນປີ 1975
ຈຳນວນໜຶ່ງຍັງຫລົງເຫລືອຢູ່ຕູ້ພຣະໄຕຣປິດົກ ວັດພຣະທາດຫລວງເໜືອ, ນະຄອນຫຼວງວຽງຈັນ
No comments:
Post a Comment