ກຳລັງ 7 ປະການ ~ ສາລະທັມ

1) ສັດທາພະລະ (ກຳລັງຄືຄວາມເຊື່ອ)

ອະຣິຍະສາວົກໃນພຣະທັມວິໄນນີ້ມີສັດທາ ເຊື່ອປັນຍາຕັດສະຮູ້ຂອງຕະຖາຄົດວ່າ ພຣະພຸດທະເຈົ້ານັ້ນ
1. ເປັນພຣະອະຣະຫັນ (ຜູ້ໄກຈາກກິເລດ)
2. ເປັນຜູ້ຕັດສະຮູ້ຊອບດ້ວຍພຣະອົງເອງ
3. ເປັນຜູ້ສົມບູນດ້ວຍຄວາມຮູ້ແລະຄວາມປະພຶດ
4. ເປັນຜູ້ສະເດັດໄປດີ
5. ເປັນຜູ້ຮູ້ຈັກໂລກ
6. ເປັນຜູ້ຝຶກຄົນທີ່ຄວນຝຶກຢ່າງຍອດຢ້ຽມ
7. ເປັນສາດສະດາຂອງເທວະດາແລະມະນຸດ
8. ເປັນຜູ້ຕື່ນ (ລວມທັງປຸກກຄົນອື່ນໃຫ້ຕື່ນ)
9. ເປັນຜູ້ມີໂຊກ (ເພາະທຳເຮັດໃຫ້ເກີດໂຊກໄວ້)

2) ວິຣິຍະພະລະ (ກຳລັງຄືຄວາມພຽນ)

ອະຣິຍະສາວົກໃນພຣະທັມວິໄນນີ້ຕັ້ງຄວາມພຽນເພື່ອລະອະກຸສົນ (ທັມຝ່າຍຊົ່ວ) ເພື່ອທຳໃຫ້ເກີດກຸສົນລະທັມ (ທັມ
ຝ່າຍດີ) ສົມບູນ ເປັນຜູ້ອົດທົນບາກບັ່ນ ບໍ່ເລີກລະທຸຣະໃນກຸສົນລະທັມ.

3) ຫິຣິພະລະ (ກຳລັງຄືຄວາມລະອາຍຕໍ່ບາບ)

ອະຣິຍະສາວົກໃນພຣະທັມວິໄນນີ້ ເປັນຜູ້ມີຄວາມລະອາຍຕໍ່ກາຍທຸຈະຣິດ (ຄວາມປະພຶດຊົ່ວທາງກາຍ) ວາຈີທຸ
ທຸຈະຣິດ (ຄວາມປະພຶດຊົ່ວທາງໃຈ) ແລະມະໂຈທຸຈະຣິດ (ປະພຶດຊົ່ວທາງໃຈ) ຄືລະອາຍຕໍ່ການປະກອບອະກຸສົນ
ບາບກັມທັງຫລາຍ.

4) ໂອຕັບປະພະລະ (ກຳລັງຄືຄວາມຢ້ານຕໍ່ບາບ)

ອະຣິຍະສາວົກໃນພຣະທັມວິໄນນີ້ ເປັນຜູ້ມີຄວາມຢ້ານຕໍ່ກາຍທຸຈະຣິດ (ຄວາມປະພຶດຊົ່ວທາງກາຍ) ວາຈີທຸ
ທຸຈະຣິດ (ຄວາມປະພຶດຊົ່ວທາງໃຈ) ແລະມະໂຈທຸຈະຣິດ (ປະພຶດຊົ່ວທາງໃຈ) ຄືຢ້ານຕໍ່ການປະກອບອະກຸສົນ
ບາບກັມທັງຫລາຍ.

5) ສະຕິພະລະ (ກຳລັງຄືຄວາມລະນຶກໄດ້)

ອະຣິຍະສາວົກໃນພຣະທັມວິໄນນີ້ ເປັນຜູ້ມີສະຕິ ປະກອບດ້ວຍສະຕິແລະສັມປະສັນຍະອັນຍອດຢ້ຽມ ຍ່ອມລະນຶກ
ໄດ້ ຍ່ອມລະນຶກອອກເຖິງສິ່ງທີ່ກະທຳມາດົນແລ້ວ ແລະ ຖ້ອຍຄຳທີ່ເວົ້າມາດົນແລ້ວ.

6) ສະມາທິພະລະ (ກຳລັງຄືຄວາມຕັ້ງໝັ້ນ)

ອະຣິຍະສາວົກໃນພຣະທັມວິໄນນີ້ ສະຫງົບຈາກກາມ (ຄວາມໃຄ່ໃນອາຣົມທີ່ຖືກໃຈ) ສະຫງົບຈາກອະກຸສົນລະທັມ
ເຂົ້າສູ່ຊານທີ 1 ທີ 2 ທີ 3 ທີ 4.

7) ປັນຍາພະລະ (ກຳລັງຄືປັນຍາ)

ອະຣິຍະສາວົກໃນພຣະທັມວິໄນນີ້ ປະກອບດ້ວຍປັນຍາ ເຫັນຄວາມເກີດດັບ ເປັນປັນຍາອັນປະເສີດ ຊຳລະກິເລດ
ທຳໃຫ້ເຖິງຄວາມສິ້ນໄປແຫ່ງທຸກໂດຍຊອບ.

ສັຕຕະນິບາຕ ອັງຄຸຕຕະຣະນິກາຍ 23/2

ສາລະທັມ