“ພິກຂຸທັງຫລາຍ! ອາຍະຕະນະນັ້ມີຢູ່ ໃນອາຍະຕະນະນັ້ນບໍ່ມີດິນ, ນ້ຳ, ໄຟ, ລົມ ບໍ່ມີອາກາສານັນຈາຍະຕະນະ, ວິນຍາຍັນຈາຍະຕະນະ, ອາກິນຈັນຍາຍະຕະນະ, ເນວະສັນຍານາສັນຍາຍະຕະນະ, ບໍ່ມີໂລກນີ້, ບໍ່ມີໂລກອື່ນ ບໍ່ມີພຣະຈັນ ພຣະອາທິດທັງສອງ, ເຮົາຍ່ອມກ່າວເຖິງອາຍະຕະນະນັ້ນວ່າ ບໍ່ແມ່ນການມາ ບໍ່ແມ່ນການໄປ ບໍ່ແມ່ນການຕັ້ງຢູ່ ບໍ່ແມ່ນການຈຸຕິ (ການເຄື່ອນຈາກທີ່ເດີມ) ບໍ່ແມ່ນການເກີດຂື້ນ ບໍ່ມີທີ່ຕັ້ງ ບໍ່ມີຄວາມເປັນໄປ ບໍ່ມີອາຣົມ ນັ້ນແຫລະເປັນທີ່ສຸດແຫ່ງທຸກ.”
ອະທິບາຍ
ອາກາສານັນຈາຍະຕະນະ ໝາຍເຖິງແຫລ່ງທີ່ມີອາກາດບໍ່ມີທີ່ສຸດ
ວິນຍາຍັນຈາຍະຕະນະ ໝາຍເຖິງແຫລ່ງທີ່ມີວິນຍານບໍ່ມີທີ່ສຸດ
ອາກິນຈັນຍາຍະຕະນະ ໝາຍເຖິງແຫລ່ງທີ່ບໍ່ມີຫຍັງເລີຍ
ເນວະສັນຍານາສັນຍາຍະຕະນະ ໝາຍເຖິງແຫລ່ງທີ່ມີສັນຍາ (ຄວາມຈຳໄດ້) ກໍບໍ່ແມ່ນ ບໍ່ມີສັນຍາກໍບໍ່ແມ່ນ ເປັນຊື່ຂອງອະຣູປະຊານທັງ 4 ແລະເປັນຊື່ຂອງທີ່ເກີດຂອງຜູ້ບັນລຸອະຣູປະຊານທັງສີ່ນັ້ນ
No comments:
Post a Comment