ທຸກະ ຄືໝວດທັມມະ 2 ຢ່າງ ~ ສາລະທັມ

1. ທຳມີອຸປະກາຣະຫລາຍ 2 ຢ່າງ

1) ສະຕິ ຄວາມລະນຶກໄດ້
2) ສຳປະຊັນຍະ ຄວາມຮູ້ສຶກຄີງ

ສະຕິ ຊ່ວຍຄົນເຮົາບໍ່ປະມາດ ເຜີຕົວ ບໍ່ວ່າຈະເຮັດຫຍັງ, ເວົ້າຫຍັງ, ຄິດຫຍັງກະມີສະຕິຢູ່ທຸກເວລາ.
ສຳປະຊັນຍະ ຊ່ວຍເຕື່ອນຄົນເຮົາໃຫ້ຮູ້ສຶກຕົວໃນການປະພຶດທາງກາຍ, ວາຈາ ແລະໃຈຖືກຕ້ອງ ບໍ່ເສຍຫາຍ.
ບຸກຄົນໃດມີສຳປະຊັນຍະຢູ່ຕະຫລອດເວລາ ຈະກະທຳອັນໃດຍ່ອມມີຄວາມຜິດພາດໜ້ອຍ.
ທຳສອງຢ່າງນີ້ຊ່ວຍປະຄັບປະຄອງໃຫ້ຄົນເຮົາມີຄວາມຈະເຣີນງອກງາມໃນທາງໂລກແລະທາງທຳ.

2. ທຳຄຸ້ມຄອງໂລກ 2 ຢ່າງ

1) ຫິຣິ ຄວາມລະອາຍແກ່ໃຈ
2) ໂອດຕັບປະ ຄວາມເກງຢ້ານ

ຫິຣິ ຄືຄວາມລະອາຍໃຈທີ່ຈະກະທຳ (ທຸຈະຣິດ) ຄວາມຊົ່ວທັງປວງ.
ໂອດຕັບປະ ຄືຄວາມຢ້ານຕໍ່ບາບທຸກຈະຣິດ (ທຸຈະຣິດວິບາກ) ອັນເກີດຈາກການປະພຶດຊົ່ວທັງປວງ.
ບຸກຄົນຫລືສັງຄົມໃດມີທຳສອງຢ່າງນີ້ແລ້ວຍ່ອມມີຄວາມສະຫງົບສຸກ ເພາະຈະບໍ່ໄປກໍ່ໄພກໍ່ເວນໃຫ້ກັບຄົນອື່ນ
ຖ້າຫາກທຸກຄົນພາກັນປະພຶດທຳສອງຢ່າງນີ້ ໂລກນີ້ກໍຈະບໍ່ມີຄວາມຂັດແຍ່ງແລະສົງຄາມ.

3. ທຳທີ່ພາໃຫ້ງາມ 2 ຢ່າງ

1) ຂັນຕິ ຄວາມອົດທົນ
2) ໂສຣັດຈະ ຄວາມສະຫງ່ຽມຄ່ຽມຄົມ

ຂັນຕິ ຄືຄວາມອົດທົນຕໍ່ຄວາມທຸກລຳບາກທາງກາຍ ແລະທາງໃຈຄືການປະສົບກັບອາຣົມທີ່ບໍ່ເພິ່ງປາດຖະໜາ
(ຄວາທຸກໃຈ ຄັບແຄ້ນໃຈ ຄວາມເສົ້າໂສກ ເສຍໃຈ...)
ໂສຣັດຈະ ຄືຄວາມສະຫງ່ຽມ ເບີກບານ ບໍ່ວິຕົກັງວົນ ວິພາກວິຈານ ກັບການໝິ່ນປະມາດຂອງຄົນອື່ນ.
ຜູ້ໃດມີທຳສອງຢ່າງນີ້ຈະເຮັດໃຫ້ເປັນຄົນສຸຂຸມເຢືອກເຢັນ ສະຫງ່າຜ່າເຜີຍ ແລະໄດ້ຮັບການຍົກຍ້ອງຈາກຄົນອື່ນ.

4. ບຸກຄົນຫາໄດ້ຍາກ 2 ຄົນ

1) ປຸບພະກາຣີ ບຸກຄົນຜູ້ໃຫ້ອຸປະກາຣະຄົນມາກ່ອນ

2) ກະຕັນຍູກະຕະເວທີ ບຸກຄົນຜູ້ໄດ້ຮັບອຸປະກາຣະຄຸນແລ້ວ ກັບຕອບແທນບຸນຄຸນຂອງທ່ານ

ປຸບພະກາຣີ ບຸກຄົນຜູ້ຈະໃຫ້ການຊ່ວຍເຫລືອຄົນອື່ນດ້ວຍຄວາມຈິງໃຈ ໂດຍບໍ່ຫວັງຜົນຕອບແທນນັ້ນຫາໄດ້ຍາກ
ເຊັ່ນດຽວກັນກັບກັນຕັນຍູກະຕະເວທີ ຜູ້ທີ່ໄດ້ຮັບການຊ່ວຍເຫລືອຂອງເພິ່ນແລ້ວ ຊິຕອບແທນບຸນຄຸນຂອງເພິ່ນທີ່
ຊ່ວຍຕົນເອງນັ້ນກໍຫາຍາກ ໂດຍສະເພາະໃນສັງຄົມປະຈຸບັນຄວາມມີນ້ຳໃຈຂອງແຕ່ລະຄົນກໍປະກົດວ່າມີໜ້ອຍລົງ
ທັງໆທີ່ຄວາມຈະເຣີນທາງດ້ານວັດຖຸແລະການສຶກສານັບມື້ນັບສູງຂື້ນ.

ງາມກາຍແລ້ວຕ້ອງງາມໃຈແຖມຕື່ມ ຄົນພົບເຫັນເຂົາບໍ່ລື່ມຊື່ເຈົ້າຈາເວົ້າຊື່ນຊົມ
Cr. Facebook.com

--------------------------------------

ສາລະທັມ